12. bir düşmən ölkənin baş naziri kimi yox, məhz bir ölkənin siyasi lideri kimi analiz etməyə çalışacam. bu insan vəzifəyə gələndə inqilabı yolla gəlmişdi. rəngli (narıncı) inqilablardan biri də (bundan əvvəl gürcüstan (2003) və ukraniya maydan hərəkatı) ermənistanda baş verdi. prezidentli sistemdən parlamentli sistemə keçildiyindən əsas fiqur olaraq, prezident yox, baş nazir oldu. Paşinyan arxasında xalq var deyə, onlara arxayınlaşıb, siyasi kursu dəyişməyə başladı. Qərbə doğru hərəkət, qərb havası, demokratikləşmə yolunda addımlar, köhnə klandan tutulan adamlar ve s. Ve i. Nəticə özünü göstərdi: freedom house kimi beynəlxalq ve tanınmış təşkilatda Ermənistan avtoritar rejimden partly free, Yəni qismən azad rejimə keçə bildi. Siyasi kurs həm də dəyişmişdi artıq, yerevandan anti rusiya küləkləri əsirdi... Ki, bu məsələ eyni zamanda paşinyanın sonluğunu gətirəcəkdi. Xalqa arxalanıb, barıtı daha çox elədi, Qarabağ məsələsində açıq aşkar niyyətini göstərdi. Daxilə yönəlik hərəkət kimi qiymetlendirende, super, xalq qəhrəmanı kimi qəbul eləmək olar. Çünki tələb olunanı ve gözləniləni edib. Amma xarici yönəlik isə, Yox. Yoxun səbəbinə gəlməmişdən əvvəl son olaraq da onu demək lazımdır ki, paşinyanın yerinə kim gəlsə idi, Qarabağ söhbətində siyasi kurs aşağı-yuxarı eyni olacaqdı. Çünki, Ermənistan adlı bu ölkənin, bu millətin dəyişməyən bir xətti var: türk düşməndir, fərq etmir biz ya Türkiyə türkləri, Qarabağ Ermənistandır. Cənubi Qafqaz qədim Ermənistan torpağıdır və digər ərazilər. Yalanlara inanılmış bir tarix və ya siyasi dəsti xətt.
Rusdan ayrı düşmək ermənistan üçün, dolayı yolla paşinyan üçün son nöqtə oldu. Rusiya cənubi qafqaz adlı bu regionda hökmranlığını heç bir zaman əldən verməyəcək və istəmir də. Nəyin bahasına olur olsun. imperiya istəməz ki, qulağının dibində nato/avropa/Amerika hansısa ölkəni ələ keçirsin, qoşun yeritsin. Gürcüstan qərbə doğru tərpənmək istədi, gürcüstanın başına gətirmədiyi qalmadı. Məşhur 5 günlük 08.08.08 müharibəsi. Avropa bu ölkələrə tez-bazar avro inteqrasiya verməkdə məqsədi heç də onların super inkişaf etmək istəməsi deyil, sadəcə bu ölkələrin ən azı birində yerləşməkdi. (baxma: ring of friends) Gürcüstan artıq rusiya üçün itirilmiş kimi bir şeydir, və gürcülər bunun hesabını Abxaziya və Osetiya ilə ödəyiblər. Biz isə indiyə kimi şpaqat vəziyyətində balanslaşdırılmış siyasətlə "nə şiş yansın, nə kabab" yolunu gedirdik, ya gedirik. Axır vaxtlar biraz Türkiyəyə doğru əyilmişik, o da avropa birliyi sayılmaz..
Deməli demokratik ermənistanı cəzalandırmaq lazımdır. Necə? Əldə Qarabağ kartı var. ilham və Azərbaycan hal hazırda putinə çox sərf edir. Neft bizdə, pul da bizdə. Rusiya bu qədər təzyiqlər altındadır və hələ navalniya görə yenə ola bilsin sanksiya gəlsin. Silah satılmalıdır. Bunun üçün müharibə lazımdır. Müharibədə pambıq satsan varlanarsan deyimi elə-belə deyim deyil. Hazır əldə nə var?: Qarabağ. Vəsəllam. icazə veririk. Bir daşla iki dovşan. Paşinyan gedir, ermənistana milli və ruspərəst biri gəlir. Bu dəfə ona silah satırıq Azərbaycana qarşı. Azərbaycan da bizə təşəkkür edir Qarabağa görə. Bizə sadiq qalır. Bu qədər sadə. Hər iki dövlət rusun nəzarətində qalır.
Paşinyan ermənistanın elçibəyidir, demokrat, vətənin sevən və arzu və istəklərini dilə gətirən biri. Siyasət və eləcə də həyatda heç bir zaman filan şeyi edərəm, filan şey belədir deməzlər. Elə və görsünlər ki etdin. Qoy başqaları fikirləşsin sonra, axı filankəs bunu bizə deməmişdi, biz bunu ondan gözləmirdik. Bu hadisə həm də onu göstərir ki, bu region üçün demokratiya bir neçə köynək artıqdır. hələ uzun bir yol var gediləsi.
Digər bir məqam isə, Türkiyə və Azərbaycan yaxınlaşmasıdır. Qardaşlıq filan boş şeydi. Ortaq maraqlar var sadəcə.Qardaş bir günə, bir aya, bir ilə olunmur. Həmin qardaş dediyimiz ölkə Elçibəyə niyə kömək eləmədi? ( Bax: ben sadece iki tane helikopter istedim. vermediler. Daha ne bekleye bilirim ki?). Türkiyə, Azərbaycan və Rusiyanı birləşdirən ortaq cəhətlər: anti avropa, avtoritar, rüşvətxor, hərbi sistemlər. Bunların qabağında heç bir demokratik güc dayana bilməz. Ona görə hamı susur. güc(maddi, hərbi) əsasdır. O da bu üç ölkədə. maraqlar toqquşduğu müddətcə (müsbət mənada) qardaşıq, dostuq.
Sabah da Putin əminin doğum günüdür. Böyük qardaşa görəsən, ilhamçik nə hədiyyə edəcək? Sabah həm də füzuli, Ağdərə azad olunacaq güman ki, əslində olub, hələ ki demirlər.. füzulini trt demişdi, amma prezident deməyib. Yəqin gözləyirlər, tam hamsını birdən desin.

Edit: altay Göyüşov da eyni sualı verib niyə rusiya qarışmır? https://m.facebook.com/story.php?story_fbid=10214492192698650&id=1834937171&ref=content_filter
Açığı sualdan xəbərim yox idi, xoş təsadüf deyək. Bəlkə də bilsəydim, bu entry-ni tam başqa cürə yazardım. Özü də cavabında yazıb ki "əmin deyiləm niyə rusiya qarışmır"